“ မႂ်းၵေႃႈ မိူၼ်ၵၼ်တင်းၾိုင်ႈၾႃႉရႃႇသီႇၼၼ်ႉၵူၺ်း ”
မိူဝ်ႈၼႆႉ လႄႈ မိူဝ်ႈၽုၵ်ႈ
ၶႂ်ႈမိူၼ်ၵၼ်ၸင်ႇမိူၼ်ၸွင်ႇမိူၼ်ဢိူဝ်ႈ….
ၶၢဝ်းဢၼ်ပၼ်လွင်ႈဢုၼ်တူဝ်/ၸႂ်ၼၼ်ႉၵေႃႈတေမီး
ၶၢဝ်းဢၼ်ၵတ်းလၢင်ႈ ယဵၼ်ၵႂႃႇၼၼ်ႉၵေႃႈတေမီး လိူဝ်သေၼႆႉ
တႃႇႁႂ်ႈမီးမႃးလွင်ႈဢုၼ်ႇၼႆၼၼ်ႉၵေႃႈ ႁူႉတၵ်းလႆႈပႂ်ႉၶၢဝ်းယၢမ်းယူႇ……
မိူဝ်ႈၼႆႉပျေႃႇမူၼ်ႈသိူဝ်းၼႃႇ
မိူဝ်ႈၽုၵ်ႈ လၢတ်းႁေႃး မၵ်းမၼ်ႈႁႂ်ႈမိူၼ်ဝၼ်းၼႆႉၼႆၵေႃႈ ၶႂ်ႈမိူၼ်ၸင်ႇမိူၼ်ဢိူဝ်ႈ…. ဢမ်ႇလၢမ်းႁူႉလႆႈ…..
မိူဝ်ႈၼႆႉ လၢတ်ႈႁၵ်ႉမၵ်းၶၢၼ်ၵႂၢမ်းမၼ်ႈ ဢမ်ႇမီးသင်တေၶၼ်ႈၼႂ်းၵႄႈႁႃးၼႆၵေႃႈ
သင်ထႅင်ႈဝၼ်းၼိုင်ႈမႃး ၵႂၢမ်းၼၼ်ႉႁၢႆလၢႆပႅတ်ႈသေ ဢမ်ႇလႆႈငိၼ်းၵႂၢမ်းသင်သေၶေႃႈ ၼႆၵေႃႈ ၸၢင်ႈပဵၼ်လႆႈယူႇဢိူဝ်ႈ …..
မႂ်းၵေႃႈမိူၼ် ၾိုင်ႈၾႃႇရႃႇသီႇၼၼ်ႉယဝ်ႉ
မႂ်းယူႇၵႂႃႇလူၺ်ႈလွင်ႈပိူင်ပဵၼ်မႂ်း။
မႂ်းၵေႃႈ ဢမ်ႇၵုမ်းၵမ်လႆႈတူဝ်မႂ်း
ၵဝ်ၵေႃႈ တေႃႈၼၼ်ၵူၺ်း ဢမ်ႇၸၢင်ႈၵုမ်းၵမ်လႆႈ
ၵွပ်ႈပိူဝ်ႈၼၼ် လုမ်းလႃးပၼ်
လွင်ႈႁၵ်ႉဢၼ်ႁႃးဢၼ်တိုၵ်ႉမီးယူႇၼႆႉလႄႈ။
ၼႂ်းမိူင်းၵူၼ်းၼႆႉ တိုၼ်းပဵၼ်ၼႆ
- ၸိူဝ်းလဵၵ်ႉဢွၼ်ႇၶဝ် − ၵျွၵ်းဢႅၼ်ႇလႅၼ်ႈဝႅၼ်မဝ်− ၼႂ်းလေႃးၵၼႆႉ ၶဝ်ထၢင်ႇၶဝ်ပျေႃႇလိူဝ်ပိူၼ်ႈ။
- ယႂ်ႇယဝ်ႉထယမ်းၵၢၼ် − ႁႃလဵင်ႉလုၵ်ႈလဵင်ႉလၢၼ် − ၶၢၼ်ၸႂ်တႄႉပေႃးဢမ်ႇႁတ်းဝႃႈသေပွၵ်ႈ။
- ၸိူဝ်းၼင်ႁဵဝ်ႇၶဵဝ်ႈမၢင်ႈ − လုၵ်ႉယၢင်ႈၵၼ်ႉၶိၼ်− တေၵိၼ် ၵဵဝ်ႉဢမ်ႇလႆႈ မႆႈၸႂ်ယူႇႁင်းၶဝ်
- ၸိူဝ်းမီးရေးၵႃႇ − ပျႃႇထိထိုင်တူဝ် − ပိူၼ်ႈၶူဝ် ႁဝ်းသမ်ႉႁႆႈ − လႆႈၶၢမ်ႇၸွမ်းၵၢမ်ႇၽႂ်မၼ်းယဝ်ႉ။
လိၵ်ႈပဵၼ်ၵၢၵ်ႇသေႃး−ၽုၺ်ႇပေႃးၸွတ်ႇၵူႈလွင်ႈ
- လိၵ်ႈပဵၼ်ၵၢၵ်ႇသေႃးတႃ− ၶႂ်ႈႁႃတူၺ်းသင်−ႁၼ်လႆႈ သဵင်ႈသဵင်ႈ
- လိၵ်ႈပဵၼ်ၵၢၵ်ႇသေႃးႁူ−ထွမ်ႇလူသဵင်သင်−ငိၼ်းလႆႈၵွႆးၵွႆး
- လိၵ်ႈပဵၼ်ၵၢၵ်ႇသေႃးၸႂ်−ၶႂ်ႈႁုပိူင်လႂ်− ႁုလႆႈလွၼ်ႉလွၼ်ႉ
- ၵတ်ႉလိၵ်ႈၸင်ႇတႃလႅင်း− မီးႁႅင်းၸႂ်ပၺႃႇ−ႁုၸွတ်ႇၵႂႃႇၵူႈပိူင်
- ၵေႃႉၵတ်ႉၶႅၼ်ႇလိၵ်ႈၼႃႇ− ၵႂႃႇႁွတ်ႈၸွတ်ႇၵမ်ႇၽႃႇ−မေႃၵႂႃႇမေႃလၢတ်ႈ
မေႃႁဵတ်းယဝ်ႉ။
ပႅတ်ႈၵၢၼ်မိူၵ်ႈ−လိူၵ်ႈၵၢၼ်လီ သီၸႂ်ၸိုၼ်ႈ
- ၵၢၼ်မိူၵ်ႈၽိုၵ်းငၢႆႈ−ၵၢၼ်ႁႆၢႉမေႃၶၼ်−သမ်ႉပၼ်တၢင်းယၢပ်ႇယၢၵ်ႈၶီၼႅင်
- ၵၢၼ်လီၵၢၼ်မျၢတ်ႈ−လၢတ်ႈယၢပ်ႇ−ၽိုၵ်းၼၢၼ်းပဵၼ်−သမ်ႉပၼ်လႆႈၵတ်းယဵၼ်
- ၽိုၵ်းၵမ်သိၼ်ထမ်း−တမ်းၸႂ်သူင်ႇမဵတ်ႉတႃႇ−ယႃႇႁႂ်ႈပိူၼ်ႈၺႃးၽေးၵွပ်ႈႁဝ်း
- ၽိုၵ်းႁႃတႃႉ −ပုၼ်ႈႁဝ်းႁႃး−ႁႂ်ႈၺႃးပိင်ႇၺႃႇၺၢၼ်ႇ−ၸင်ႇပဵၼ်တၢင်းႁုႉမၢၼ်ႇ
- ၽဝၸၢတ်ႈၼႆႉ−ဝႆႉပႅတ်ႈၵၢၼ်မိူၵ်ႈ−လိူၵ်ႈႁဵတ်းၵၢၼ်လီ−သီၸႂ်လွတ်ႈၵိလေႇသႃႇ။
သိုပ်ႇပိုၼ်ၽႄ − ပိုၼ်ႉႁူႉတႆး bunhudai
#ထႅၼ်ႈလမ် #လုင်းတင်းၵေး