ၵၢပ်ႈပၢၼ် ယၢမ်းလဵဝ်
ၵၢပ်ႈပၢၼ်ၵႃးမိၼ်
ၵၢပ်ႈပၢၼ် ၵူၼ်းမီးသိၼ်ထၢၵ်ႈလူင်းၵျွင်း
ၵၢပ်ႈပၢၼ် ပၢင်လွင်ႈမီးၵူႈၸေႈတွၼ်ႈ
ၵၢပ်ႈဢၼ် ၵူၼ်းဢွၼ်ႈဢႅၼ်ႈမီးၼမ်
ၵၢပ်ႈဢၼ် ၵူၼ်းလမ် ပဵၼ်ၵူၼ်းၶၢဝ်
ၵၢပ်ႈဢၼ်ၵၢင်ႁၢဝ် ပၢင်တိုၵ်းၽေႈ
ၵၢပ်ႈပၢၼ် မႄႈ လႄႈလုၵ်ႈ ယူႇႁၢင်ႇၵၼ်
ၵၢပ်ႈဢၼ် ပၼ်ယဝ်ႉ ၼၢၼ်းတႅၼ်း
ၵၢပ်ႈဢၼ် ၵူၼ်းၼုမ်ႇၽႄႈယၢၼ်မိူင်း
ၵၢပ်ဢၼ်သိုၵ်းလိူင်းမိူၵ်ႈမႆႈ
ၵၢပ်ႈဢၼ်ႁၢမ်ႈသီးၵၼ်မဝ်ႇလႆႈ
ၵၢပ်ႈဢၼ်ႁႆႈ/ၼႃးႁၢမ်းမွၼ်ႉ
ၵၢပ်ႈဢၼ်ၵူၼ်းတီႇၸွၼ်ႉယိပ်းၸၢၵ်ႈ
ၵၢပ်ႈပၢၼ်လၢၵ်ႈၼၢၵ်ႈမဵဝ်းၸုင်ႇ
ၵၢပ်ႈဢၼ်ၵုင်ႇ ဢမ်ႇပေႃးမီး
ၵၢပ်ႈဢၼ်ပီးၵေႃႈယွမ်လႆႈ
ၵၢပ်ႈဢၼ်ထုၵ်ႇလီၵတ်းသမ်ႉမႆႈ
ၵၢပ်ႈဢၼ်ၶႂ်ႈလႆႈမဵဝ်းၼမ်
ၵၢပ်ႈဢၼ်ပၼ်လၢႆၵႆႁၢင်ႇ
ၵၢပ်ႈဢၼ်ပလၢင်ႇတူၵ်းၼႂ်းၵူၼ်းလု
ၵၢပ်ႈၵူၼ်းႁူႉႁၢမ်းသုၼ်ႇ
ၵၢပ်ႇဢၼ် လူႇဝၢင်ႇၼႂ်းၽူင်း
ၵၢပ်ႈဢၼ်တူၵ်းလူင်းၵၼ်ငၢႆႈ
ၵၢပ်ႈဢၼ်ၽၼ်းၵၼ်တၢႆမၢၵ်ႇ
လၢၵ်ႇလၢႆးၵေႃႈ ဢမ်ႇၸၢင်ႈတိူင်ႇၽႂ်
သိုၵ်းၸုမ်းလႂ်ၵေႃႈ ဢမ်ႇၸၢင်ႈၸႂ်ယႂ်ႇတေႉတေႉ။
ၵၢပ်ႈတၢင်းလူင်ၼႆႉ ပဵၼ်ၼႆဝႆႉ
ၽႂ်လႂ်တေလႆႈသႆႉ ၽႂ်တေသုမ်း
ဢၼ်ၼႆႉ လွင်ႈပေႉလႄႈလွင်ႈသုမ်း
ပေႃးႁဝ်းဢမ်ႇၵုမ်းတူဝ်ၸႂ်ႁဝ်းလႆႈၵေႃႈ
ၸၢင်ႈမေႃဢွၼ်ႇယေႃႈ ႁၢႆလၢႆၼႂ်းၵႄႈမၼ်းယူႇ။
သတိၵၼ်တႃႉ။
တႅမ်ႈ – ထႅၼ်ႈလမ်- သေႃႇပိ။
