မီးပၼ်ႁႃ ဢမ်ႇႁူႉဝႃႈတေလႆႈ ႁႃၾွၼ်ႉႁၢင်ႊလီတီႈလႂ်ယူႇႁႃႉ…?။
မႃးလႄႈ ၶုၼ်ၶိင်း ႁႃဝႆႉပၼ် တီႈဢၼ်ၸၢင်ႊတၢဝ်းလူတ်ႊယဝ်ႈ
ပေႃးၶႂ်ႈ ၸႂ်ႉၾွၼ်ႉတႆးႁၢင်ႊလီ ယူႇၼီႇၶူတ်ႉ ၸၢင်ႊႁႃဢဝ်လႆႈ တီႈၼႂ်း ဝႅပ်ႉသၢႆႉ၊ ပလွၵ်ႉ လႄႈ ၾဵတ်ႉပုၵ်ႉ ၸိူဝ်းပႃႈတႂ်ႈၼႆႉ။
ပဵၼ်ၾွၼ်ႉတႆးယူႇၼီႇၶူတ်ႉ ဢၼ် saosu.blogspot.com ၶိုၼ်းၵဵပ်းႁွမ်ပိုၼ်ၽေမႃး တႃႇၸႂ်ႉၼႂ်းဝႅပ်ႉသၢႆႉ လႄႈ ၼႂ်းၶွမ်း (ၼႂ်းၾူၼ်းၵေႃႈ မၢင်ႊဢၼ်ၵေႃႈၸႂ်ႉလႆႈ)။
တီႈ ဝႅပ်ႉသၢႆႉၼႆႉ မီးဝႆႉ ၾွၼ်ႉၼမ်လၢႆလႄႈ ပႃးတင်းၾွၼ်ႉႁၢင်ႊလီ ဢၼ်ၸၢင်ႊဢဝ်မႃးၸႂ်ႉတိုဝ်းလႆႈလွတ်ႈလႅဝ်း။
လိင်ႉတႃႇၶဝ်ႈၸူး – https://taiwebfont.blogspot.com/
သင်ၶႂ်ႈလဵပ်ႈႁဵၼ်းလွင်ႈ IT ၸိုင် ၶဝ်ႈလဵပ်ႈႁဵၼ်းၸွမ်း ၸဝ်ႈသူႉ တီႈဝႅပ်းဢၼ်ၼႆႉလႆႈ saosu.blogspot.com
2) တႆးၼုမ်ႇ Tai Num
တႆးၼုမ်ႇ Tai Num ပဵၼ် ဝႅပ်ႉသၢႆႉ ၸဝ်ႈတႆးၼုမ်ႇ (ၵုၼ်ႁဵင်) ဢၼ်ပိုၼ်ႊၽေလွင်ႈတၢင်းႁူႉဢၢႆႇထီႇ၊ ၾွၼ်ႉလႄႈ လွၵ်းမိုဝ်း တႃႇၾူၼ်း တႃႇၶွမ်း။ ႁဝ်းၸၢင်ႊ တၢဝ်းလူတ်ႊ ၾွၼ်ႉ လၢႆလၢႆသႅၼ်းလႄႈ လွၵ်းမိုဝ်း လၢႆလၢႆသႅၼ်း။ ၼင်ႇ ပၢင်လူင်၊ ယုင်းၶဵဝ်၊ ဢေႊယိင်း၊ SIL၊ ၼမ်ႉၶူင်း၊ ၸဵမ် ၵေႃႉၸၢႆး ၸိူဝ်းၼႆႉ။
လိင်ႉတႃႇၶဝ်ၸူး – http://www.tainum.com/…/windows-keyboard-and-fonts-for…
3) တႆးလူတ်ႊ Tai Load
ယူႇတီႈ ၸုမ်း Tai Information Technology သေယဝ်ႉ လႆႈသၢင်ႈၶိုၼ်ႈမႃး tools app ဢၼ်ၶဝ်ႈပႃး ၾွၼ်ႉလႄႈ လွၵ်းမိုဝ်း။ (တေႃႈလဵဝ် Web site ၶဝ် လႅပ်ႈတေမီး ပၼ်ႁႃ ဢိတ်းၼိူင်ႈလႄႈ ၶဝ်ႈႁႃဢမ်ႇလႆႈ – May 20, 2025)
လိင်ႉတႃႇၶဝ်ႈၸူး- https://taiload.com
ယွၼ်ႉၼၼ် Download application (ၼိူဝ်ၵူႇၵႄလ်ႇ) တႆးလူတ်ႊ Tai Load သေ ၵႂႃႇႁႃဢဝ် ၾွၼ်ႉမႃးၸႂ်ႉတိုဝ်းလႆႈယူႇ။ (မီးဝႆႉတႃႇၶွမ်း + တႃႇၾူၼ်း)
4) A J Kunheing (Facebook)
ပဵၼ်ၽူႈၶူင်သၢင်ႈ ၾွၼ်ႉတႆးႁၢင်ႊလီ ဢၼ်မီးၸိုဝ်ႈဝႃႈ Font A J Kunheing သေ ၶူင်သၢင်ႈၾွၼ်ႉႁၢင်ႊလီလႄႈ ၾွၼ်ႉလိၵ်ႈၶဝ်ႈတၢင်းၵၢၼ် ဢၼ်မီးလၢႆလၢႆသႅၼ်း။ မီးၾွၼ်ႉ ဢၼ်ၸၢင်ႊၶၢႆဝႆႉ လႄႈ ဢၼ်ၸႂ်ႉလႆႈ Free ။ သင်ၶႂ်ႈပၼ်ႁႅင်းသိုဝ်ႉၸႂ်ႉ ၾွၼ်ႉႁၢင်ႊလီၼႆၸိုင် ၵပ်းသိုပ်ႇ AJ kunheing လႆႈၵမ်းသိုဝ်ႈ။
ဢၼ်ၽူႈၶူင်သၢင်ႈပၼ် Free ၵေႃႈ မီး Family လၢႆလၢႆဢၼ်ယူႇ။
ၾွၼ်ႉ A J Kunheing ၼႆႉ ၸႂ်ႉလႆႈ ၼႂ်းၾူၼ်းလႄႈ ၶွမ်းတင်းသွင်ဢၼ်ယူႇ။
လိင်ႉတႃႇၶဝ်ႈၸူး- https://www.facebook.com/profile.php?id=100093649388876
5) ၼမ်ႉတဵင်း NAM TENG (Facebook)
ပဵၼ်ၽူႈၶူင်သၢင်ႈၾွၼ်ႉႁၢင်ႊလီၵေႃႉၼိူင်ႈ ဢၼ်ႁဵတ်းဢွၵ်ႇၾွၼ်ႉ ဢၼ်မီးၸိုဝ်ႈဝႃႈ ၼမ်ႉတဵင်း Nam Teng ။ မီးၾွၼ်ႉ ႁၢင်ႊလီၼမ်လၢႆ ဢၼ်ပၼ်ၸႂ်ႉ Free လႄႈ ဢၼ်ၶၢႆဝႆႉ။ သင်ၶႂ်ႈၸႂ်ႉလႄႈ လႆႈၸႂ် ၾွၼ်ႉႁၢင်ႊလီ ဢၼ် ၼမ်ႉတဵင်း Nam Teng ႁဵတ်းဢွၵ်ႇၼႆ ႁႂ်ႈၶဝ်ႈႁႃ ၼႂ်း Facebook။
လိင်ႉၶဝ်ႈႁႃ – https://www.facebook.com/NamTengFont
6) Jai Duen Lee (Facebook)
ပဵၼ်ၽူႈၶူင်သၢင်ႈၾွၼ်ႉႁၢင်ႊလီၵေႃႉၼိူင်ႈ ဢၼ်ႁဵတ်းၾွၼ်ႉ ဢၼ်မီးၸိုဝ်ႈ Family ဝႃႈ Jai Duen Lee ၼႆႁေ ပိုၼ်ႊၽေ ၾွၼ်ႉႁၢင်ႊလၢႆလၢႆသႅၼ်းမႃးယူႇ။ ဢၼ်တိုၵ်ႉႁႃၶူင်ဢွၵ်ႇမႃးမႂ်ႇၵေႃႈမီး။ ၾွၼ်ႉ Jai Duen Lee ၵမ်ႈၼမ် တေပဵၼ် Free လႄႈ သင်လႆႈၸႂ် ၶႂ်ႈၸႂ်ႉတိုဝ်းၼႆ ႁႂ်ႈၶဝ်ႈႁႃ ၼႂ်း Facebook ပႃႈတႂ်ႈၼႆႉ။
လိင်ႉၶဝ်ႈႁႃ – https://www.facebook.com/jai.duen.lee
7) Tai Fonts
Tai Fonts တေပဵၼ် တီႈၾွၼ်ႉယူႇၼီႇၶူတ်ႉတႆးႁူမ်ႈတၢင်းလၢႆ ဢၼ်လႆႈလိူၵ်ႈသေ မႃးတၢင်ႇဝႆႉ။ ၶဝ်ႈတၢဝ်းလူတ်ႊ ၸႂ်ႉတိုဝ်းလႆႈလွတ်ႈလႅဝ်း။
လိင်ႉၶဝ်ႈၸူး – https://taifonts.com/
Shan Font & Keyboard
ဢၼ် Ko Ko Ye တင်း Sai Mawn Kham ဢဝ်မႃးပိုၼ်ႊၽေဝႆႉ
(ဝႅပ်ႉဢၼ်ၼႆႉ ဢမ်ႇလႆႈမီးၵၢၼ် update မႃးႁိုင်ယဝ်ႉသေတႃႉ မီးဝႆႉၽွၼ်ႉဢၼ်ၸႂ်ႉတိုဝ်းလႆႈ ၼႂ်းၶွမ်း တင်းၼႂ်းၾူၼ်းယူႇ)။
လိင်ႉတႃႇၶဝ်ႈၸူး – https://sourceforge.net/projects/shanfont/
လိူဝ်ၼၼ်ႉ ဝႅပ်ႉသၢႆႉ ဢၼ်ၸၢင်ႊႁႃ တၢဝ်းလူတ်ႊၾွၼ်ႉတႆးႁၢင်ႊလီၼၼ်ႉ မီးထႅင်ႈလၢႆလၢႆဢၼ်ယူႇ။
သင်ဝႃႈ ၽူႈၸႂ်ႉတိုဝ်းၶဝ် ႁူႉၸၵ်းၼႆၵေႃႈ ၸွၺ်ႈမွၵ်ႇပၼ်မႃးလႆႈယူႇၶႃႈ။
ၼပ်ႉယမ်ယႂ်ႇၼမ်သေ – ၶုၼ်ၶိင်း 