ၼမ်ႉဝၢၼ်ၼဵင်ႈယိုဝ်ႉ
သိုဝ်ႉတမ်းၶႅၵ်ႇသူတ်ႉ
တင်ႈၽူတ်ႉလေႃႇထႅင်ႈ
ငွႆးၵဝ်ႇငွႆးမႂ်ႇ
ႁိုဝ်ႈသႂ်ႇလၢႆႈတူဝ်
ဢုပ်ႇၶူဝ်ယုမ်ႉမူၼ်ႈ
ၼမ်ႉၸႂ်ၸဝ်ႈႁိူၼ်း ၵႅၼ်ႇလီထူၼ်ႈ။
ၼမ်ႉၵေႃႈၵိုင်ႇတူဝ်
မူဝ်ၵေႃႈၵိုင်ႇၵၢၼ်ႈ
သဵင်တၢၼ်ႈၵိုင်ႇၵူၼ်း
ၵိုင်ႇယၢမ်ႈပဵၼ်မႃး ၼႃႈႁိူၼ်းမူၼ်း။
ၸၢႆးသိူဝ်ႁၢၼ်
30.5.2025
မိုဝ်းပၢၼ် မိုဝ်းပွင်း မူင်ယွၵ်းၵႂႃႇလၢႆၵူႈ
ဢမ်ႇၸႂ်ႈတွၼ်ႈတႃႇ တွင်ႉဢွၼ်ႇၶိုပ်ႈၼိုင်ႈၼႆႉၵူၺ်း။
တိၼ်ပွင်းလွၵ်ႈလၢၼ်ႉ ၶႅပ်းတိုဝ်းၵွႆၵႂႃႇလၢႆၵူႈၵေႃႈယႃႇ၊ ဢမ်ႇၸႂ်ႈတွၼ်ႈတႃႇ ပႆၸူးယိူင်းမၢႆသုၼ်ႇလဵဝ်။
တႃႇမုင်ႉႁေႃႁိူၼ်း
တႃႇလုၵ်ႈတႃႇလၢင်း
တႃႇၸိူဝ်ႉတႃႇၶိူဝ်း
တႃႇလူႇတႃႇတၢၼ်း
တႃႇသႂ်ႇတႃႇထၢမ်း
တႃႇၸွႆႈ တႃႇထႅမ် ၸိူဝ်းၼႆႉယဝ်ႉ။
#တႃႇၽဝမၼ်ႈၸႂ် တမ်ႉပႆႇၸၢင်ႈၼပ်ႉပႃးၵွၼ်ႇ၊
ႁဵတ်းဢမ်ႇပေႉ ၵိၼ်ဢမ်ႇၵုမ်ႇ ၸၢႆႇဢမ်ႇပေႃး
ဢမ်ႇတဵမ်ထူၼ်ႈလႆႈ ၼင်ႇတၢင်းမုင်ႈမွင်းၼၼ်ႉၵေႃႈ
ယိူၼ်ႉၸႂ်သေယူႇၵႂႃႇဝၼ်းလႂ်ဝၼ်းၼၼ်ႉ၊ ဢမ်ႇပူၼ်ႉလႆႈတၢင်းၽၢၼ်ၵေႃႈ၊ ၶၢမ်ႈပူၼ်ႉလႆႈတၢင်း
ဢိုပ်းၵၼ်ယူႇ၊ ၼႆႉပဵၼ်ၼမ်ႉၵတ်ႉ ၸိူဝ်းႁဝ်းတေႃႇ
သူႈၶၢမ်ႇယၢပ်ႇၼႂ်းမိူင်း ၽွင်းယၢမ်းဝၢၼ်ႈမိူင်းသုၵ်ႉ
ဢူၼ်ၼင်ႇၼႆယဝ်ႉ။
ႁဵတ်းယူဝ်းယူဝ်း
ၶူဝ်းယွၵ်းယွၵ်း
သဵမ်ပေႃးပွၵ်း
သွၵ်းၶႅပ်းပွင်ႇ
ၵၢၼ်မၢၵ်ႈမီးတမ်ႉပႆႇဢွင်ႇသေပီ
တေႁဵတ်းသင်လီလီလႃႇၼႆႉ ?
ဝူၼ်ႉၸိူင်ႉၼႆသေ
မူၼ်ႉၶဝ်ႈႁႆႈ ၶဝ်ႈသူၼ် ၵႂႃႇထႅင်ႈပီၼိုင်ႈယဝ်ႉ။
မၢၼ်မၢၼ်
ၽုၵ်ႇထူဝ်ႇႁေႉ ယႃႇႁႂ်ႈလႆႈယၢပ်ႇ
ၽုၵ်ႇၶဝ်ႈၵၢပ်ႇၵေႃႈႁႂ်ႈလႆႈၵိၼ်
ၽုၵ်ႇထူဝ်ႇလိၼ်ၵေႃႈ ႁႂ်ႈၵမ်ႉၸဝ်ႈ
ၽုၵ်ႇထူဝ်ႇၼဝ်ႈၵေႃႈ ယႃႇႁႂ်ႈလႆႈၶၢႆၶဵဝ်
ၽုၵ်ႇၶဝ်ႈၸၢဝ်ႈ၊ ၶဝ်ႈၼဵဝ် ႁႂ်ႈမၼ်းၶႅမ်ႉ
သေၵမ်းၼႃႉၼႃႉ။
သိူဝ်တွင်ႉၽႅပ်ႉ
16.5.2025